Adingabeen abusuen biktimentzako prebentzio- eta arreta-programa

Adingabeen abusuak prebenitzeko eta biktimei arreta emateko programak honako hauek biltzen ditu:

- Udaleko Gizarte Zerbitzuetan biktimei harrera eta arreta emateko gunea

Horrek dakarren ahalegin pertsonal eta emozional guztiaz jabetuta, Basauriko Udalak egoera hau jasaten ari denari edo jasan duenari dei egiten dio harrera-gunera joan dadin, eta bertan entzun, babestu eta orientatuko dugu.

Udaleko Gizarte Zerbitzuekin harremanetan jarri ondoren, hala nahi izanez gero, Eusko Jaurlaritzaren Biktimari Laguntzeko Zerbitzuak arreta eman ahal izango dio. Zerbitzu horrek diziplina arteko talde profesional bat du, legelariak, gizarte-langileak eta psikologoak barne hartzen dituena.

Zerbitzu honen bidez, prozesuko izapideei, izapide horietan dagozkion eskubideei, eskura dituen laguntza ekonomikoei eta gizarte-baliabideei buruzko informazioa jasoko du. Behar izanez gero, laguntza psikologikoa, sanitarioa eta soziala ere jasoko du, eta prozesu horietan guztietan lagunduko diote, batez ere prozesu judizialetan.

 

SUFRITZEN ARI BAZARA
SUFRITU BADITUZU

EZ ISILDU!

Argibide gehiago behar izanez gero

Gizarte-Ekintza 900840895 / 944666348 accion_social@basauri.eus

Eskabidea jasotzen duen arloa:

Isiltasuna:

Legezko epea:

Zerbitzuak:

39/2015 Legeak, Administrazio Publikoen Administrazio Prozedura Erkidearenak, 28. artikuluan ezartzen du interesdunek eskubidea dutela ez aurkezteko administrazio jardulearen esku dauden edo beste edozein administraziok egindako dokumentuak.

Gaian eskumena duen zerbitzuak/sailak kontsultatu edo eskatu ahal izango ditu dokumentu horiek, salbu eta interesdunak horren aurka egiten badu, arrazoiak emanda.

Datu pertsonalen tratamendua legitimatuta dago interes publikoaren alde egindako misio bat betetzean edo Basauriko Udalari berari edo haren mendeko erakundeei emandako botere publikoak gauzatzean, Europako Parlamentuaren eta Kontseiluaren 2016ko apirilaren 27ko 2016/679 (EB) Erregelamenduaren 6.1 e) artikuluan aurreikusitako baldintzetan.

Araudi honetan ezarritako baldintzak betetzen direla egiaztatzeko, herri-administrazioetatik baliabide telematikoen bidez jasotzen den informazioa erabiliko da.

Zure datuen kontsultaren aurka egin nahi izanez gero, eskubide hori erabil dezakezu erregistro elektronikoaren bidez, aurka egotea. Eskabidean adierazi behar duzu zein izapidetan adierazi nahi duzun aurka zaudela eta horren azalpen arrazoitua eman behar duzu. Kontuan izan, aurka egiteko eskubidea erabiltzen duzun izapideetan, izapideak egiteko behar den dokumentazio guztia aurkeztu beharko duzula.